søndag 12. juni 2011

to sider av same sak/same rom


her er eg. eg sitt midt i rommet, på senga, i eit rom i solskinn. om litt over tre døgn skal eg fortsatt sitte midt i rommet, på senga, i eit rom i solskinn, men i ein heilt annan by i eit heilt anna hus i eit heilt anna rom. snart bur eg ikkje meir aleine, men saman med mor mi, far min, bror min og katta mi, tango cortéz, eg lagar ikkje middag til meg sjølv, vi lagar middag til kvarandre saman, eg støvsuger stua, eg spør sigbjørn om han vil overnatte, eg les min kamp 5 på plattingen utanfor det store raude huset, eg bur ikkje lenger i eitt rom, eg bur i eit hus, i eit rom som ein gong og for alltid vil vere mitt. i sju månadar har eg budd på dette rommet, fylt det med mine ting, mine klede, min mat, mine sjampoflasker, mine tannbørster, mine ølflasker, mine drømmer, mine frustrasjonar, min kjærleik, alt som er mitt har vore her. om tre døgn er dette ikkje lenger mitt rom, min heim, det er eit tomt rom som skal stå klart og tomt til at ei anna jente eller ein gut skal vri om nøkkelen her for første gong med hjartet i halsen, komme inn i dette rommet for første gong og tenke at "dette er min heim, her skal eg bu". om tre døgn står dette rommet klart til å vere åstedet for eit anna menneske sitt liv.


og her er ein brøkdel av tinga mine. her er kleshengere, mummikoppar, sovepose, vinterdyne, klede eg ikkje skal bruke i sommar, skittentøy eg skal vaske. i boden finst esker med ibsen-bøker, vinterjakker, leksikon, oppslagsverk, conversesko, you name it. eg har pakka ned det fysiske livet mitt, og no står alt her framfor meg og nærmast ropar "kom, no stikker vi". og snart gjør vi det på ekte.

4 kommentarer:

  1. og jo oftere man flytter, jo færre ting får man. jeg sliter med å sortere, men det er nesten tomt hos meg også, nå.

    SvarSlett
  2. hvordan flytter man egentlig med seg alle tingene sine hvis man gjerne eier en bokhylle og en tv på toppen av de vanlige tingene som klær og pyntegjenstander? skal du sende alt med fly (det blir jo dyrt så tunge som alle fagbøker er), eller skal du kjøre bil nordover?

    SvarSlett
  3. linda: no skal eg ikkje flytte med meg nokre møbler, det einaste som er "problematisk" er ein gitar og eit par ski, men dei skal eg sende saman med dei ti eskene mine med tungtransport heim til harstad.

    SvarSlett
  4. Dette er første gang jeg har lest bloggen din i så lang tid! Jeg har glemt hvor godt og elegant du skriver! Veldig vakkert, selv om jeg leser den gjennom google translate:) Dine synspunkter er så nøyaktig som de burde være, og synes de å alltid berøre en spesiell plass inni meg. In english: They strike a chord within me.

    SvarSlett