tirsdag 31. januar 2012

får jag veta vad du tänkar på? skulle du rana en bank för oss två?


1. Hur gammal är du om fem år? tjuesju og eit halvt cirka
2. Vem tillbringade du minst två timmar med i dag? oda og iselin som eg går i klasse saman med, pluss ei som heoiter grete, som går i klassen, om blei tjue i går og fikk kake av ei anna i klassen som heiter tina, og den spiste vi i kantina etter forelesninga.
3. Hur lång är du? 166 cm berre.
4. Vilken är den senaste filmen du sett? heilt totalt ikkje mitt eiga val og ganske pinleg: rocky 1.
5. Vem ringde du senast? maria beluga, klokka halv to natt til søndag...
6. Vem ringde dig senast? ellen berit (må ringe tilbake!).
7. Hur löd det senaste sms:et du fick? "Hurra! Men da e den grei."
8. Föredrar du att ringa eller skicka sms? sms. hatar å snakke i telefon.
9. Är dina föräldrar gifta eller skilda? gifte! på tjueførste året!
10. När såg du senast din mamma? for ein måned og ein dag sidan. men til helga skal eg heim!
11. Vilken ögonfärg har du? brune.
12. När vaknade du i dag? ni.
13. Vilken är din favoritjulsång? vanskeleg! eg elskar alle mulige sånne jule-popsongar. det må nok vere "do they know it's christmas?" av sånne popsongar og så kanskje "o' helga natt"? kan ikkje ta til å tenke på jul NO.
14. Vilken är din favoritplats? stua heime i svanehalsen hos mamma og pappa, trondarnesfjæra, jardin de luxembourg i paris, tunet på gallogiedde der márkomeannu blir laga, armkroken til sigbjørn.
15. Vilken plats föredrar du minst? toalettene på universitetsbiblioteket i tromsø og alle stappfulle bussar/trikkar/metroar.
16. Var tror du att du befinner dig om tio år? kor som helst i verda, hand i hand med sigbjørn. helst med ein jobb som betalar godt og så håpar eg at eg har lappen da.
17. Vad skrämde dig om natten som barn? å måtte gå forbi bokhylla der "heksene" av roald dahl sto. heilt hysterisk.
18. Vad fick dig verkligen att skratta senast? hugsar ikkje? eg ler heile tida av alt muleg.
19. Hur stor är din säng? 120 cm!
20. Har du stationär eller bärbar dator?
ein bærbar macbook!

21. Sover du med eller utan kläder på dig? kjem an på om eg er aleine eller ikkje.
22. Hur många kuddar har du i sängen? ein som er mi.
23. Hur många landskap har du bott i? om det tydar by, så fire!
24. Vilka städer har du bott i? harstad, oslo, paris, tromsø
25. Föredrar du skor, strumpor eller barfota? akkurat no: ullsokkar. vanlegvis: barfota.
26. Är du social? ja, men eg synst det kan vere ganske digg å vere aleine.
27. Vilken är din favoritglass? pasjonsfruktsorbet. alle sorbetar, stort sett. og jogurtis.
28. Vilken är din favoritefterrätt? pannacotta. så dyrisk godt.
29. Tycker du om kinamat? ja! veldig. i går lagde eg vårrullar og inni granskauen så godt det var.
30. Tycker du om kaffe? ja, men eg kan ikkje drikke for mykje av det, for da må eg tisse heile tida pluss at eg blir ganske dårleg av det og må ligge i fosterstilling i nokre timar.
31. Vad dricker du till frukost? på ein vanleg dag er det stort sett berre vatn. på søndagar ofte melk. på ekstravagante dagar: jus.
32. Sover du på någon särskild sida? eg sovnar stort sett med ansiktet mot venstre.
33. Kan du spela poker? nei. kan spele olsen og krig og gris.
34. Tycker du om att mysa/kela? skjønner ikkje kva det betyr. kela kan ikkje bety det eg trur i alle fall.
35. Är du en beroendemänniska? skjønner ikkje kva det betyr!!!
36. Känner du någon med samma födelsedag som din? ja, kjærasten til ine!
37. Vill du ha barn? ja, men ikkje NO.
38. Kan du några andra språk än svenska? norsk, engelsk, fransk. også prøver eg å lære meg pittelitt samisk, men det går sakte, for å si det mildt.
39. Har du någonsin åkt ambulans? nei.
40. Föredrar du havet eller en bassäng? altså, utandørsbasseng i syden kan vere fint, men eg må nok svare havet, eg kjem jo frå kysten, da må eg svare havet.
41. Vad spenderar du helst pengar på? mat og klær og reiser.
42. Äger du dyrbara smycken? ikkje nokre særskilt kjempedyre, men eg har smykker som er dyrebare for meg.
43. Vilket är ditt favoritprogram på tv? norsk attraksjon og seinfeld.
44. Kan du rulla med tungan? ja.
45. Vem är den roligaste människan du känner?
det er jo meg sjølv, det. også har eg veldig mange morsomme venar som eg kan flire til eg griner med.
46. Sover du med gosedjur? nei.
47. Vad har du för ringsignal? duffy med mercy, av ein eller anna absurd grunn. også når august, bror min ringer, så er det ein ulv som uler...
48. Har du kvar klädesplagg från då du var liten? ein gåve eg fikk frå "tante" siri til fireårsdagen min som er ei gul t-skjorte med trykk av ole brumm på, ole brumm som heng i ein blå ballong, ikkje disney-ole brumm, men gamaldags a.a. milne-ole brumm. den skal eg ha alltid.
49. Vad har du närmast dig just nu som är rött? eit rødt midjebelte og ei sofia jannok-plate.
50. Flirtar du mycket?
nei!
51. Kan du byta olja på bilen? nei. kan ingenting med bil, bortsett frå å skrape bort is frå vindauga, og sjølv det klarar eg sånn midt på treet berre.
52. Har du fått fortkörningsböter någon gång? nei, men eg har ikkje lappen, så det er ikkje så rart.
53. Vilken var den senaste boken du läste? leste ferdig? "jo fortere jeg går, jo mindre er jeg." av kjersti annesdatter skomsvold. også les eg ei fagbok som heiter "balansekunstnere" av annick prieur og ei kosebok som heiter "sent i november" av tove jansson.
54. Läser du någon dagstidning? nei, les morgenbladet, ei veketidning.
55. Prenumererar du på någon veckotidning? sigbjørn gjer, så det drar eg nytte av. morgenbladet og klassekampen laurdag.
56. Dansar du i bilen? går det i det heile tatt an?
57. Vilken radiostation lyssnade du till senast?
nrk p3.
58. Vad var det senaste du krafsade ner på ett papper? SPL1002. Samfunnsgeografi. Tirsdag 31. januar 2012.
59. När var du i kyrkan senast? det kan eg ikkje hugse, så det må vere år og dag sidan. det må ha vore i ein konfirmasjon for kanskje 4-5 år sidan.
60. Är du lycklig? ja.

tirsdag 24. januar 2012

lykke i bilde


ein tur på grand café i oslo kor ein kan sjå på det svære maleriet på veggen kor ibsen er på veg inn døra (han kom dessverre ikkje inn døra da eg var der)


eit beger med is ein vårdag med sol (tøysko! tøysko! tøysko!)


eit ærleg forsøk på å skrive noko fint på eit framand språk


eit herleg blinkskot av eit par herlege menneske i bursdagen til ein herleg bestefar som blei søtti år


frå ein sykkeltur i hellas, langt oppi dalstrøkene, hit kjem eg aldri igjen, men bildet har eg fortsatt

søndag 22. januar 2012

to år.


akkurat i desse dagane er det to år sidan eg pakka 30 kilo av livet mitt ned i den nye raude kofferten eg fekk til jul og ein trillekoffert og satte meg på eit fly ved sidan av barbra med ein einvegs-billett i handa, oslo - paris, og eg hugsar at eg sa til barbra at eg kom til å begynne å grine når eg såg eiffeltårnet, at da kom det til å gå opp for meg at all ventinga hadde ført fram til den her dagen, at no skulle min draum nummer éin bli verkelegheit, men tårane kom aldri.
vi budde hos på eit lite og kaldt rom i åtte januardagar medan vi venta på å få flytte inn i leiligheita vi fant via den amerikanske kyrkja, vi sov til tolv og gikk byen rundt, i pausane brukte vi pengane våre på klede og kakao og kinamat, vi drakk cava kvar kveld med kanadiaren som bodde i leiligheita og jobba på fashion week i paris.

og så fikk vi leie ei leiligheit i 5ème arrondissement, rett ved sorbonne, i tredje etasje, trettifem kvadrat, ein av oss sov på stua, ein på soverommet ein måtte gå gjennom for å komme til badet, to jenter, to lukter, to liv, ein by. vi drakk vin, vi spiste lasagne, vi leste bøker, vi kjøpte secondhandkjoler til ti euro per stykk, vi fikk nye venar, vi hadde stille kranglar, vi blei venar igjen, vi snakka alvorleg i fylla, vi visste kva den andre haldte på med sjølv om vi ikkje sa det høgt, vi irriterte kvarandre, vi tok oppvasken, vi lagde spotifylister, vi inviterte til fest ein gong i uka sjølv om vi hadde lova ho vi leide leiligheita hos at vi var stille jenter, snille stille jenter, men vi fikk aldri klagar, vi høyrte på naboen på andre sida av veggen skype med kona si, i alle fall trudde vi at det var det vi gjorde, vi spiste paninis vi kjøpte på sjappa rett på hjørnet, vi drakk vin fleire gongar i uka, vi levde slik ein berre kan gjere eit halvt år i livet fordi ein veit at det er no og aldri sidan denne sjansen kjem. å bu i paris var fantastisk, det var eit helvete, eg lo, eg gråt, eg følte meg som verdas sterkaste jente og eg følte meg som verdas svakaste lille flue. eg gikk ut fordi eg aldri fikk nok av byen, eg haldt meg inne fordi eg hadde fått nok for lenge sidan.

no er det to år sidan eg var tjue år og flytta til paris. ofte tenker eg at eg gjerne skulle flytta tilbake, vore der lengre, hatt ein jobb der, levd bohemlivet der, vore der ein heil sommar eller ein heil vinter og berre latt humla suse, hatt ein sykkel og sykla i boulevardane langs seinen, sykla dei små gatane i marais, men eg veit at det halve året som var, ikkje kjem tilbake. dei kjenslene kjem ikkje tilbake, dei luktene, dei smakane, dei tankane. eg var på veg ut av eit forhold, på veg inn i eit nytt, i eit heilt anna land, på heilt eiga hand. ein er berre tjue år og heilt fri ein gong i livet, og den gongen for to år sidan var min gong. ting blir aldri dei same, uansett kor mange gongar eg drar tilbake, og det er både godt og vondt. eg er fortsatt meg, og det kan eg takke draumane mine og hjartet mitt så inderleg mykje for.

lørdag 21. januar 2012

friday

nokre dagar vil ein berre ligge heime på sofaen kledd som wednesday addams og spise berlinerbolle og grine heilt til det er tomt utan å vite korfor. i går var ein slik dag, i alle fall delvis. eg har ikkje sett sola ein einaste gong på to månadar og eg holdt på å gjere meg sjølv (og min pluss one) sprø. nokre dagar må ein berre tømme hovudet og tårekanalane og vente på at det skal bli ein ny dag. og så går det heldigvis over, til slutt.

onsdag 18. januar 2012

mummipappa


dei siste dagane har mummipappa vore den utvalte koppen eg har brukt av dei ti koppane i samlinga. om mummipappa står det: "Mummipappa er veldig eventyrlysten, og har fortsatt "det lille barnet" i seg. Noe som lyser gjennom, selv om han er blitt familiefar. Men han er en bestemt person om han vil!" eg føler meg svært sjelden eventyrlysten, men det lille barnet har eg enno (kanskje fordi eg berre er 22). mest av alt vel eg mummipappa-koppen fordi han treng å bli brukt og fordi mummipappa drøymar seg bort, slik eg gjer. men aller mest vel eg den fordi den er svart og tøff. i dag er eg og svart og tøff. eg har til og med plaster på fuck you-fingaren. det er tøft. nokre dagar vil eg berre vere litt tøff, eg og.

søndag 15. januar 2012

dei siste dagane har eg...


sett på morgenkåpene frå bakrommet


drukket kapselmaskinkaffe på bakrommet (det er cirka den einaste type kaffe eg kan drikke, kapselkaffe med melk i)


tatt uforskamma mange bilde av meg sjølv med instagram og andre liknande appar


hatt på meg ballerinasko på jobb og gleda meg til eg igjen kan bruke det utandørs (lenge til)


sett på bhar, solgt bhar, tenkt på bhar, hatt på meg bhar


prøvd å kle meg fint og fjongt


trent pittelitt, nok til å vere nøgd

sett ut som ein rappar/tenåringstjuv frå ein forstad til london (men collegegensaren avslørar meg kanskje)

fredag 13. januar 2012

kjæraste.

dette skulle eigentleg handle om ting eg er glad for. eg skulle finne fram bilde av fine ting, eg fant eit bilde av sigbjørn og så var det gjort. for når alt kjem til alt, er nok sigbjørn det eg er mest glad for i heile verda (bortsett frå å vere i live og å ha primærbehova dekka). første gong eg såg sigbjørn, sa eg til mor mi at "sånn vil eg at kjærasten min skal sjå ut". nokre år seinare ser kjærasten min slik ut, fordi det er han. han er den finaste eg veit, og er flink til å kjøre bil, flirar høgt av meg og med meg, har fint hår som krøllar seg og fin telefonstemme, og så er han veldig snill. det passar bra, for eg er ikkje alltid så snill, og når eg er trist og lei, er han flink til å trøste knøttet. desse tinga og minst hundre andre ting hjelper til at eg har det bra og er lykkeleg. det er eg veldig veldig veldig glad for, og det seier eg til han kvar dag. det er det finaste eg veit.

(sigbjørn: om du synst det her blei kleint, unnskyld, men du har valt det sjølv.)

onsdag 11. januar 2012

you'll look back at photos of yourself and recall in a way you can't grasp now how much possibility lay before you and how fabulous you really looked


det her må vere eitt av mine favorittbilde av meg sjølv. eg ser så glad og lykkeleg og sterk ut, som om nokon har fortalt meg at eg skal få feire bursdag tre dagar på rad, at eg har fått eit gavekort på gratis middag ut året eller at verdas beste fyr er forelska i meg og eg det same i han. eitt av tre er det rette svaret, men det er ikkje så nøye: poenget er at eg ser rett ut uknuseleg ut. glad og lykkeleg og fin i tøyet.

og så kjem desse dagane, sant, når du står og ser deg sjølv i speilet og nesten tar til å grine for at håret er heilt flatt eller det berre er noko fundamentalt galt med fjeset ditt, og så fortel du det til deg sjølv, nokre dagar i månaden, også tar du til å starte å tru på det du sjølv seier til deg sjølv i speilet. også blir det sånn at du lukkar auga når du bestiller noko på kafé eller ikkje ser i retninga til den du snakkar med eller snur og går ein annan veg når du ser nokon du kjenner på gata som du potensielt må snakke med.

sånne dagar kjem. sånne dagar der du berre står og ser deg i speilet og lurer på korleis du kan forsvare å gå ut kledd slik du er, høgvatnsbukse og stripate genser, som om det var 1985, hallo i luka, liksom, og ikkje prøv å ta på leppestift, for du veit, du kan sminke ein gris, men det er fortsatt ein gris. og sånn her fortsettar det.

sånne dagar finst. men sånne dagar må ein berre prøve å ta rotta på. i dag, medan eg sto der framfor speilet og tenkte "fan altså", innbilte eg meg at ei jente eg ikkje kjenner så godt skulle skrive til meg på twitter at eg såg ut som "the queen of fucking everything". ein heilt absurd barnsleg tanke i utgongspunktet, men så begynte eg å tenke. korfor skulle eg ikkje kunne seie det til meg sjølv og meine det, om andre skulle finne på å seie det? korfor kan ikkje eg, for ein gongs skuld, klappe meg sjølv på skuldra, gå ut døra og tenke at no, no vinn eg, det her klarar eg, for eg er the queen of fucking everything. i alle fall for ein dag.

kjenner du deg igjen? la oss saman prøve å ta rotta på den lille djevelen som sitt på høgre skulder og får oss til å seie alle stygge ting om oss sjølv, og heller bli betre ven med oss sjølv. mitt første skritt mot å vere komfortabel og glad i min eigen kropp, var å få eit heilfigurspeil på soverommet. håpet er at det ein gong skal vere heilt ok og heilt fint å sjå sin eigen kropp utan å tenke "kva kuuuunne ha vore betre?" - eg håpar de vil gjere det same.

tirsdag 10. januar 2012

korleis overleve vinteren, pt.1

her kjem nokre velmeinte tips frå meg til deg for korleis overleve dei siste dagane før sola kjem, den kalde tida som såvidt berre har starta, eller korleis glede seg over kvit bakke og minusgradar.


1. gå ut i favorittvinterkåpa med ullsokkar i skoa, ullstilongs, ullmakkotrøye og verdas beste bh under. ein kan halde varmen og samtidig sjå fin ut (pluss at ein slipp urinveisinfeksjon, som eg pådrog meg etter å ha valsa ute i tynnstrømpebukse i romjula - ikkje å anbefale, nokre gongar gjer ein lurt i å høyre på mor si)


2. gå ut medan det enno er lyst og sjå på fjella, sjå på havet, sjå på dei rare folka som stirrar rart når eg går rundt som tromsø si eiga lille gaupe i pelsen min


3. gå aleine på kafé og ikkje vere redd for at nokon ser rart på deg, drikk cappucino og et ein croissant, eller kråssang, som det heiter der eg kjem ifrå, lag leppestiftmerkar på koppen og høyr på the kinks


4. lag noko godt til middag som du kan ete restane av ein dag du ikkje orkar å ete to brødskiver med kvitost til lunsj, her illustrert ved ein pai med alt mulig digg inni, pluss ein kopp med filifjonka på, som etter at bildet blei tatt, blei fylt opp med ein skikkelig god te, kusmi-teen kashmir tchaï, anbefalast! kjøp god te du kan drikke etter maten, til frokosten, til dagsrevyen, når du får besøk, når du skal lese "bli björk" eller "imot naturen", eller når du berre har sjukt lyst på te


5. ha noko å glede deg til. eg gledar meg til første gong eg skal bruke desse skoa, som eg har fått av sigbjørn og som eg skal bruke når eg får kofta mi og kanskje ellers òg, i alle fall på 6. februar, samefolkets dag, når vi skal heim til harstad og feire dagen. ellers gledar eg meg til filmfestivalen som startar neste veke, å få besøk av inga og christian, til å dra til oslo på by:larm og til å få lese "imot naturen"

og sist, men ikkje minst, her er soundtracket til den første månaden. den er positiv og glad og full av elektroniske poprytmar og bør få deg opp om morgonen. om ikkje noko av dette hjelp, veit eg ikkje, da får du berre kjøpe deg ein pose ostepop og eit flakslodd og håpe på det beste.

fredag 6. januar 2012

well i wonder, do you see me when we pass? i half die.



i dag var planen å blogge ei fin speleliste eg har laga, men så blei eg tipsa om denne coverversjonen av ein av mine favorittlåtar av the smiths. songen minnar om å vere heilt håplaust vondt, men samtidig godt, forelska, som eg ein gong var for det som held på å bli mange år sidan, om å gå gjennom byen i regn, om ein tung stein i magen, om å halde tårane inne, om å gråte på jentedo, om ta tog i eit anna land og sjå ut på den grå himmelen og om å springe full over brua på veg heim frå byen for å ringe og høyre ein stemme eit anna sted i landet. for ei tid.

vidunderleg låt, eg høyrer ho og er så glad så glad så glad for at den vonde forelskinga er over. høyr låta!

torsdag 5. januar 2012

all i know is there's something new this year//all i know is there's something new real near

plutseleg skal ein lære seg å skrive 2012 bak datoen, ikkje 2011, alltid eit sant strev når du begynner på skolen på nytt, å skrive det nye året, når du er vant til å skrive det som var, dette og alltid svare når nokon i klassen spør deg kva du fikk til jul i år, etterfulgt av rødming, for det har jo ikkje vore jul i år, det var ifjor, det er uke ein og vi startar på nytt, med blanke ark og fargestiftar tell



det forrige året var endringar, i bustad, i jobb, i skole, i nærleik, i venskap, i norge, før og etter ein dato, og sjølv om noko endra seg, er eg redd vi er tilbake der vi var før, men eg håpar det skal halde seg, håpar, men det viktigaste for meg, var uansett alle endringane, å flytte frå oslo til tromsø, frå sør til nord, frå seine kveldar foran macen til tidlige morgonar ved sidan av eit pustande menneske, frå å alltid sakne til å ha skatten framfor meg nestan kvar dag, frå å lese "verdens største fersken" til verdas herlegaste tiåring til å selgje brysthaldarar til nittiåringar, og eg tenkte innimellom på om det var dei rette endringane, å dra frå eit liv og kome til eit anna, det var sårt, men godt, og i 2012 startar året med å verkeleg ha flytta inn saman med han som får hjartet til å banke hardare og magen til å stupe kråke, og eg tenker at det ikkje burde vere på nokon anna måte


i 2012 skal eg fortsette å vere den snille jenta eg er, drikke meir te i lausvekt enn i pose, passe betre på dei eg er glad i, flire like mykje som før, kjøpe fleire gode bhar, se filmar eg ikkje har sett før, kysse sambuaren alle dagane vi er saman, få mi første kofte, dra til eit sted eg ikkje har vore før, gå meir på kafé, bruke mindre tid på å tenke at eg burde bli mykje tynnare, vere med på å arrangere ein heidundranes festival, lage meir god mat, spise oftare frukost og generelt ha det fint, men ikkje vere redd for å vere trist, lei meg, opprørt, sint eller frustrert, og alt i alt berre vere det fine mennesket eg veit at eg kan vere

takk for det gamle, og hei til det nye. eg er klar.

kva skal du gjere i 2012?