søndag 5. mai 2013

Om ekte mannfolk og avisa Nordlys

Screenshot frå nordlys.no



Gjennom venar fikk eg tips om denne saka i går kveld. Glamourmodellen og sexspaltisten Camilla Fors har tatt på seg det selsomme oppdraget å lede eit slags menneskeleg oppussingsprosjekt i ein web-tvserie med namnet "Heteropatruljen", som openbart speler på det tidlegare prosjektet "Homsepatruljen". Målet med serien er å finne ekte mannfolk, og som ein kan lese i sitatet over, er ekte mannfolk menn som drikk øl og ser på fotball saman med kompisane sine. Eg fikk såklart hjartet i halsen da eg las det, i og med at han eg sjølv skal gifte meg, er avhaldsmann. Det må jo vere det første teiknet på at han ikkje er eit ekte mannfolk.

Men altså, spøk til side. Eller, ein skulle jo nesten tru det heile var ein spøk. Og ein skikkeleg dårleg ein, ein ekstra billig. Å sende ein glamourmodell rundt i Tromsø sine gater for å finne menn som treng ei skikkeleg oppstramming, eit skikkeleg ballespark for å forlate sine mjuke sider og bli ekte mannfolk. Drit i feminismen, gutar, de har blitt hjernevaska! Gløm mjuke verdiar, gløm å ta oppvasken etter middagen dama di laga, dra heller på fotballkamp med gutta, og hugs å ha skikkeleg brei beinstilling medan du gjer det, så ingen skal tvile på at du er ein ekte mann. La det aldri vere nokon tvil!


Okei, eg prøvar meg på nytt: Spøk til side. Kva er det som er galt med det her? (Sjølv spør eg meg vel eigentleg "kva er det som er rett med det her?", men det er vel kanskje to sider av same sak.) Er det ikkje berre eit uskuldeg og artig påfunn med glimt i auget? Nei. Det synst eg ikkje. La oss ta det første først: Kjerna i det heile er tanken om "ekte mannfolk". Desse "ekte mannfolka" har interesser, interesser som skiljer seg sterkt frå kvinnfolk sine interesser. Ekte mannfolk skal ikkje drikke vin, dei skal drikke øl. Ekte mannfolk skal sjå på fotball med kompisar, ikkje sitte heime og halde kjærasten i handa. Ein ekte mann har ein kjønnsrolle å forholde seg til, og det er det lite rom for variasjon. Det heile dette påfunnet seier er "SLIK ER EIN MANN".

Spørsmålet mitt er: Korfor? Korfor treng vi å stadig finne på nye måtar å manifestere kjønnsrollar på? Korfor er ein mann mindre mann om han er feminist? Korfor er det ein svakheit? Og korfor tenke ut ifrå ein evig stigmatiserande modell som setjer opp meir eller mindre unaturlege skiljer mellom kvinner og menn? Eg blir, unnskyld uttrykket, jævlig sliten og lei av at dette faktisk er gyldege spørsmål i 2013. Eg trudde faktisk vi hadde kome lengre. Kanskje eg lever i eit politisk korrekt boble kor å vere mann og feminist gir stjerne i boka. Det er jo for øvrig heilt sjukt, at eg må føle eit behov for å belønne menn som er feministar, akkurat som at det skulle vere eit paradoks, at feminisme skulle vere forbehaldt kvinner. Å jobbe for like rettar for kvinner og menn og ein tankegang om at kvinner og menn er like mykje verdt, skulle i seg sjølv vere heilt naturleg og gjelde for alle.

Slik er det openbart ikkje. I Nordlys sin serie med akk så mykje glimt i auget seier dei rett ut at det er for mykje feminisme blant menn. Det må vi få ei ordning på. Heldigvis står Camilla Fors beredt til å hjelpe dei stakkars menna ut av uføret. Det er det Nordlys kommuniserer ut med det her prosjektet. Dei er med på å oppretthalde skiljer som ikkje nødvendigvis treng å finnast, og ikkje minst kjempar dei for å behalde stereotype kjønnsrollar og kjønnsideal. Det er verkeleg synd at dei synst at det er verdt å bruke kapasitet og pengar på eit slikt prosjekt, og på å framme eit slikt verdisyn. Eg trudde verkeleg vi var kome lengre. Eg tok feil.

12 kommentarer:

  1. Kjære vene. Veldig bra skrevet!

    SvarSlett
  2. Jeg setter pris på at kjæresten min er som han er, og det er ikke som en "ekte mann" i det hele tatt. Han sitter hjemme og holder kjæresten i hånda, og det liker jeg. Han liker det og, så dette synes jeg ble veldig tullete. Men du skriver dødsbra om noe viktig - som vanlig.

    SvarSlett
  3. Jeg er helt enig med deg, og jeg skammer meg over lokalavisa mi.

    SvarSlett
  4. Jeg er så enig!

    SvarSlett
  5. Provoserende hvor lyst vi har til å sette menn i disse "du er ikke helt bra nok som du er, men det kan vi hjelpe deg med"-boksene. Der jenter skal bli mer feminine, og det er synonymt med å bli slanke (eller tynne), å være supermamma og deltidskokk, å ta høy utdannelse, men være hjemmeværende fordi en kan og vil, å gå på kafé med venninnene og ha mulberryvesker og sexy øyne til fest. Eller hvordan det nå er. Og guttene, se skal være så maskuline som fy, de skal være muskuløse og veltrente og tjene tre ganger så mye som dama og forsørge henne og drikke et glass whiskey før middagen og spille poker med Guttegjengen og aldri bli sett bak en barnevogn og nå kan de få hjelp av en glamourmodell sier du?

    Åååååå, kan vi ikke bare få være i fred og være som vi vil? Kan ikke mannfolka få lov til å like damene med kjempeformer og kan ikke damene få lov til å elske han som tar oppvasken - uten at en føler at en ikke selv lever opp til kjønnstereotypien? (det samme gjelder såklart for de som elsker de som er av samme kjønn og de som ikke elsker noen og i hvert fall ikke seg selv). Jeg blir så sliten av dette samfunnet innimellom.

    Flaks at de fleste er skikkelig oppegående og bra og driter langt i hva en ekte mann eller en ekte dame er.

    SvarSlett
  6. Nordlys er jo ei tulleavis, då. Der må du leite lenge etter journalistikk av ok kvalitet. Men eg og reagerte veldig på denne "hetropatruljen". Det minnar om "hen-debatten i Sverige, kor eindel reagerar på at ein skal kunne skrive "hen" og ikkje "hon" eller "han". Nokre meiner tydelivis at om du likar fargen rosa, vin og mote, så er du ikkje mann, og om du ikkje kler deg i kjole, sminkar deg og er stolt av din "femininitet" er du ikkje kvinne.

    Sist eg sjekka, er du mann om du har tisselur og kvinne om du har tissehøne. Ifølge Nordlys tok eg visst feil. Du er mann viss du drikk deg full på Ølhallen med TIL-skjerf om halsen. Fint å vete.

    SvarSlett
  7. Hei!

    Interessant innlegg. Jeg er enig i det du skriver der. Det er idiotisk å skulle presse noen til å oppføre seg på en bestemt måte, kun fordi det er stereotypisk. Det er jo nettopp sunt med mangfold i befolkningen, og flytende grenser for hva som tradisjonelt er "feminint" og "maskulint" i 2013.

    Selv har jeg vokst opp med en "myk" pappa som alltid passet på og brydde seg om hvordan barna hadde det, vasket klær og laget mat kontra å drikke øl og se fotballkamp. Dette har resultert i at både jeg og mine søsken har valgt kjærester som er "myke", flotte og omtenksomme menn samtidig som vi har sterke og tøffe damer i familien.

    I 2013 er grensene flytende og man har ikke behov for "stereotypisk adferd" etter min mening:)

    SvarSlett
  8. TUSEN TAKK for kommentarane, alle saman! eg er så sjukt glad for å lese at det ikkje berre er eg som blir sjukt lei av "klikk-journalistikk" (som Nordlys her i høgaste grad driv på med) og stereotype kjønnsrollar som er totalt avleggs. det er godt å vite at vi er fleire.

    SvarSlett
  9. æsj! jeg studerer journalistikk og vemmes over at journalisten ikke stiller et eneste kritisk spørsmål. jeg hadde grillet henne som et kjøttstykke på grillen for å være litt direkte, dette er bare trist.

    SvarSlett